बुद्ध जयन्ती विश्वभर मनाइदै  ।।  सहमतिको बिकल्प नभएको प्रधानमन्त्रीको भनाई   ।।  प्युठान बस दुर्घटनामा १ को मृत्यु २९ घाइते  ।।  माओवादीले हत्या गरेको बिरोधमा कोटेश्वर र बानेश्वर क्षेत्र बन्द  ।।  आज विश्व दुरसाचार तथा सुचना समाज दिवश  ।। 

म्याग्दीमा नयाँ पदमार्ग शुरु बाबियाचौर, म्याग्दी- पर्यटकीय जिल्ला म्याग्दीमा नयाँ पदमार्ग सञ्चालनमा ल्याइएको छ । स्थानीयवासी र पर्यटन व्यवसायीहरुको पहलमा म्याग्दीको घतान, पुलाचौर, कुँहु र सिङ्गा गाविसलाई समेट्ने गरी हालै नयाँ पर्यटकीय पदमार्ग सञ्चालनमा ल्याइएको हो । विश्व प्रसिद्ध मुक्तिनाथ प्रवेशद्वारको रुपमा परिचित ऐतिहासिक तथा धार्मिकस्थल घतानको गलेश्वरबाट सुरु हुने सो पदमार्ग पौलश्य ऋषिले तपस्या गरेको पुलाचौर गाविस, नमुना गाउँ कुँहु, दर्जनौं हिमशृङ्खलाको अवलोकन गर्न सकिने टोड्के हुँदै प्राकृतिक उपचारस्थल तातोपानी कुण्डमा आएर सकिने बताइएको छ । जिल्ला विकास समिति, म्याग्दीका सल्लाहकार भरत केसीले दिएको जानकारीअनुसार तीन दिनको यस पदमार्गमा स्वदेशी र विदेशी पर्यटकहरुले यात्रा गर्न थालेका छन् । यस पर्यटकीय मार्गको भ्रमण गर्न ४ सय ५० शुल्क तिर्नुपर्ने व्यवस्था रहेको जनाइएको छ । नयाँ पर्यटकीय पदमार्गले म्याग्दीको पर्यटन व्यवसायमा टेवा पुग्ने पर्यटन व्यवसायीहरुले बताएका छन् । नयाँ पर्यटकीय मार्गको सुरुआतसँगै यहाँका पर्यटन व्यवसायीहरुले उत्साह व्यक्त गरेका छन् । छाप्नुस् इमेल गर्नुस् प्रतिक्रिया दिनुस्