बुद्ध जयन्ती विश्वभर मनाइदै  ।।  सहमतिको बिकल्प नभएको प्रधानमन्त्रीको भनाई   ।।  प्युठान बस दुर्घटनामा १ को मृत्यु २९ घाइते  ।।  माओवादीले हत्या गरेको बिरोधमा कोटेश्वर र बानेश्वर क्षेत्र बन्द  ।।  आज विश्व दुरसाचार तथा सुचना समाज दिवश  ।। 

क्लिङकरको अभावले सिमेन्ट उद्योग बन्द हुने अवस्थामा बुटवल- भारतले सिमेन्ट निर्माणका लागि आवश्यक कच्चापदार्थ क्लिङकर निकासीमा रोक लगाएपछि नेपाली सिमेन्ट उद्योगहरु तत्काल बन्द हुने स्थिति सिर्जना भएको छ । भारतभित्रै सिमेन्टको माग अनुरुप आपूर्ति हुन नसकी त्यहाँको सरकारले सिमेन्टलगायत केही निर्माण सामग्रीको निकासीमा रोक लगाउने नीति लिएपछि नेपाली उद्योगहरु प्रभावित हुन पुगेका हुन् । भारतले सिमेन्ट निकासीमा रोक लगाउना साथ त्यहाँ सिमेन्टको मूल्यमा केही गिरावट आएको बुझिएको छ भने नेपाली बजारमा भने एक साताभित्र प्रतिबोरा १ सय ५० सम्म मूल्यवृद्धि भएको छ । संविधानसभाको निर्वाचनपछि नयाँ नेपाल निर्माणमा जुट्नुपर्ने पूर्वसन्ध्यामा विकास निर्माणका लागि पूर्वाधारका रुपमा रहेको सिमेन्ट र फलामजस्ता अत्यावश्यक वस्तु निकासीमा भारतले प्रतिबन्ध लगाउनु नेपालको हितमा नहुने उद्योगीहरुको भनाइ छ । क्लिङकर निर्माणका लागि चुनढुङ्गा, रातोमाटो, बालुवा र फलामे कणहरु आवश्यक हुन्छ । तीमध्ये तीन चिज नेपालमा उपलब्ध हुने भए पनि फलामे कणहरुका लागि भारतमा निर्भर पर्नुपर्ने स्थिति छ । क्लिङकर उद्योगका लागि लगानी धेरै गर्नुपर्ने भएकाले नेपालमा सो उद्योग स्थापना हुन नसकेको उद्योगीहरु ब्ताउँछन् । भारतले यी वस्तुको निकासीमा रोक लगाएपछि भन्सारबाट उठ्ने राजस्वसमेत प्रभावित भएको छ । ती दुई वस्तुबाटमात्र वेलहिया भन्सार कार्यालयले वाषिर्क रुपमा झन्डै ६० करोडभन्दा बढी राजस्व उठाउदै आएको छ । छाप्नुस् इमेल गर्नुस् प्रतिक्रिया दिनुस्