बुद्ध जयन्ती विश्वभर मनाइदै  ।।  सहमतिको बिकल्प नभएको प्रधानमन्त्रीको भनाई   ।।  प्युठान बस दुर्घटनामा १ को मृत्यु २९ घाइते  ।।  माओवादीले हत्या गरेको बिरोधमा कोटेश्वर र बानेश्वर क्षेत्र बन्द  ।।  आज विश्व दुरसाचार तथा सुचना समाज दिवश  ।। 

नेतृत्वले पार्टी पराजयको जिम्मा नलिएको भन्दै कांग्रेस केन्द्रिय सदस्य पुर्णबहादुर खड्काद्धारा राजीनामा काठमाडौ-संविधान सभामा पार्टी पराजयको जिम्मा पार्टी नेतृत्वले नलिएको भन्दै नेपाली कांग्रेसका केन्द्रिय सदस्य पुर्णबहादुर खड्काले पदबाट राजीनामा दिनुभएको छ । प्रधानमन्त्री निवास वालुवाटारमा जारी केन्द्रिय समितिको बैठकमा राजीनामा दिनुहुँदै खड्काले पार्टीले संविधान सभाको प्रत्यक्षतवर्फ टिकट बितरणमा उचित निर्णय लिन नसकेको र समानुपातिकका बिजयी उम्मेदवार चयन पार्टी हित अनुकुल नभएको आरोप पनि लगाउनुभयो । उहाँले माओवादीसंग भएका सहमति पालना गर्न कांग्रेस असक्षम भएको र माओवादी नेतृत्वसामु घुँडा टेकेको पनि आरोप लगाउनुभएको छ । यद्यपी खड्काको राजीनामा भने अनुमोदन भएको छैन । आजको केन्द्रिय समितिको बैठकमा बोल्दै प्रवक्त अर्जुननरिसंह केसी र केन्द्रिय सदस्य बलदेव शर्मा मजगैंयाले माओवादीसंगको सहकार्य तत्काल तोडेर माओवादी इतरका शक्तीसंगको सहकार्य अगाडि बढाउनुपर्ने बताउनुभएको छ । उहाँहरुले जनमतको कदर गर्दै माओवादीलाई सरकार संचालनका लागि छोड्नुपर्ने बताउनुभएको छ । कांग्रेसले गुण र दोषका आधारमा सरकारलाई सहयोग गर्नुपर्ने पनि उहाँहरुको तर्क रहेको छ । यही १२ गतेबाट जारी कांग्रेस केन्द्रिय समितिको बैठक समानुपाति तर्फका बिजयी उम्मेदवार चयन गर्नका लागि केहिदिन स्थागित पनि फेरि आजबाट शुरुभएको हो । बैठक अहिले पनि जारी छ । छाप्नुस् इमेल गर्नुस् प्रतिक्रिया दिनुस्