बुद्ध जयन्ती विश्वभर मनाइदै  ।।  सहमतिको बिकल्प नभएको प्रधानमन्त्रीको भनाई   ।।  प्युठान बस दुर्घटनामा १ को मृत्यु २९ घाइते  ।।  माओवादीले हत्या गरेको बिरोधमा कोटेश्वर र बानेश्वर क्षेत्र बन्द  ।।  आज विश्व दुरसाचार तथा सुचना समाज दिवश  ।। 

प्रधानमन्त्री र बेनेट भेट काठमाडौ-प्रधानमन्त्री गिरिजा प्रसाद कोइराला र नेपालस्थित संयुक्त राष्ट्रसंघीय मानवअधिकार उच्चआयुक्त कार्यालयका प्रमुख रिचर्ड बेनेटबीच आज विहान भेटवार्ता भएको छ । प्रधानमन्त्री निवास वालुवाटारमा भएको भेटवार्तामा नेपालमा मानवअधिकारको पछिल्लो अवस्था संविधानसभाको बैठकको तयारी सरकार गठन लगायतका विषयमा सामान्य छलफल भएको बताइएको छ । राष्ट्रसंघीय मुख्यालय जेनेभाबाट फर्किएका बेनेटले सँविधान सभाको निर्वाचनपछि आज पहिलो पटक भेट गर्नुभएको हो । भेटमा समसामयिक राजनीतिको बारेमा चासो व्यक्त भएको प्रधानमन्त्रीका विदेशमामिला सल्लाहकार आदित्य बरालले बताउनुभयो । संविधानसभाको निर्वाचनपश्चात नेपालको मानवअधिकार सुधारोन्मुख भए पनि सुरक्षित अवस्था नरहेकाले उच्चआयुक्तको कार्यालयले शान्ति प्रकि्रयालाई स्थायित्व दिन सत्य निरुपण तथा मेलमिलाप आयोग छिटो गठन गर्न जोड दिइरहेका बेला आज यो भेटघाट भएको छ । प्रधानमन्त्री र सुरक्षा निकायप्रमुख प्रधानमन्त्री गिरिजाप्रसाद कोइरालाले मुलुकको समग्र शान्ति सुरक्षा बारे आज सुरक्षा अंगका प्रमुखहरुसँग जानकारी लिनुभएको छ । जनपथ प्रहरी र सशस्त्र प्रहरीका प्रमुखहरुसंग प्रधानमन्त्री कोइरालाले सुरक्षा स्थितिको बारेमा जानकारी लिनु भएको हो । प्रधानमन्त्रीसंगको भेटका लागि जनपथ प्रहरीको महानिरीक्षक ओमविक्रम राणा र सशस्त्रका महानिरीक्षक वासुदेव ओली विहान ८ बजे प्रधानमन्त्रीको सरकारी निवास बालुवाटार पुग्नुभएको थियो । छाप्नुस् इमेल गर्नुस् प्रतिक्रिया दिनुस्